Kanoe slalom üzrə avstraliyalı üçqat Olimpiya çempionu Cessika Foks böyrəyindən cərrahiyyə əməliyyatı olub.
Olimpnews.az xəbər verir ki, həkimlər onun böyrəyindəki şişi uğurla götürüblər.
"Təəssüf ki, bir neçə həftə Dünya kubokunun finallarında iştirak edə bilməyəcəyəm. Əvəzində, evdən azarkeşlik edəcəyəm. Mənə göstərilən qayğıya və peşəkarlığa görə, heyrətamiz tibb heyətinə minnətdaram. Özümü yaxşı hiss edirəm, hər kəsə inanılmaz dərəcədə minnətdaram, evdə olduğum üçün xoşbəxtəm", - deyə Foks sosial mediada yazıb.
Qeyd edək ki, 31 yaşlı Foks kanoe slalom üzrə üçqat Olimpiya çempionu, gümüş və ikiqat bürünc mükafatçıdır. Onun medal kolleksiyasında dünya çempionatlarının 14 qızıl medalı da var.
Üçqat Olimpiya çempionu əməliyyat olunub - FOTO
jpg-1756064441.jpg)
