Avstriyalı snoubordçu Benjamin Karl fərdi qış idman növündə ən yaşlı Olimpiya çempionu adını qazanıb.
Olimpnews.az xəbər verir ki, o, 40 yaş, 3 ay və 23 günlüyündə paralel nəhəng slalomda bütün rəqiblərindən üstün olub. O, finalda cənubi koreyalı Kim Sang-kyumu 0,19 saniyə ilə qabaqlayıb. Bununla da Karl Pekin-2022-dəki uğurunu təkrarlayıb.
Qeyd edək ki, Benjamin Karla qədər Qış Olimpiya Oyunlarının ən yaşlı çempionu norveçli biatlonçu Ole Einar Björndalen olub. Biatlon əfsanəsi sayılan Björndalen Soçi-2014-də sprint yarışında qalib gələrəkən 40 yaş 12 günlüyündə idi.
jpeg-1770563452.jpeg)
