Pandemiya səbəbindən təxirə salınmış İspaniya La Liqası qaldığı yerdən davam edir. Azarkeşsiz və karantin qaydaları ilə keçirilən çempionat gərginliyi ilə yadda qalır. "Sevilya"ilə görüşdə heç-heçə edən "Barselona" əsas rəqibi olan Madrid "Real"ı ilə xal fərqini itirib. Paytaxt təmsilçisi "Real Sosiedad"a qalib gələrək, zirvəyə yüksəlib. Hər iki komandanın aktivində 65 xal var. Əzəli rəqib "Barselona" son qarşılaşmada "Real"ın qazandıği qələbəni qəbul etmir. VAR-ın qərarına etiraz edən kataloniyalılar hələ də sakitləşə bilmirlər. Xüsusilə də, "Barselona"nın baş məşqçisi Kike Setyen. Hər halda bu barədə La Liqa rəhbərliyi ölçü götürüb, aydınlıq gətirməlidir. Bu hələ son deyil, qarşıda daha maraqli və prinsipial görüşlər var.
"Olimpiyadünyası.com" saytı La Liqada baş verən hadisələri özündə əks etdirən karikaturaları oxucularına təqdim edir.
