Amerikalı boksçu Trevel Mezion avtomobil qəzasında həlak olub.
Faciə çərşənbə axşamı Texasın Ostin şəhərində baş verib. Qəza nəticəsində 24 yaşlı idmançının həyatını xilas etmək mümkün olmayıb. Daha iki nəfər isə qəza nəticəsində xəsarət alıblar.
Qeyd edək ki, T.Merzon, Oskar de la Xoyin “Golden Boy Promotions” şirkətində işləyirdi. Peşəkar rinqdə amerikalı boksçu 17 döyüş keçirib və hər birində qalib gəlib. Qarşılaşmalardan 13-ü nokautla yekunlaşıb.
