"Zenit" BTİC İB boksçusu beynəlxalq turnirin qalibi olub

$\"Zenit\" BTİC İB boksçusu beynəlxalq turnirin qalibi olub$

BOK

30.08.2022, 16:09

Bu yaxınlarda Rumıniyanın Oradea şəhərində boks üzrə Avropa klubları arasında II beynəlxalq Krişana kuboku turniri keçirilib. Yarışda qitənin 6 ölkəsindən - Rumıniya, Polşa, Slovakiya, Ukrayna, Macarıstan və Azərbaycandan ümumilikdə 163 boksçu mübarizə aparıb. Yeniyetmələr, gənclər və kişilər arasında keçirilən turnirdə ölkəmizi "Zenit" Bədən Tərbiyəsi İdman Cəmiyyəti İctimai Birliyinin (BTİC İB) 2 boksçusu təmsil edib. "Zenit"in boks bölməsinin məşqçi müəllimi Ceyhun Rüstəmovun rəhbərliyi altında Orxan Mövsümov (+92 kq) kişilər, Nəsir Səccad (60 kq) isə gənclər arasında qüvvəsini sınayıb. 4 gün davam edən yarışda komandamızın üzvlərindən Nəsir Səccad (60 kq) bütün rəqiblərinə qalib gələrək qızıl medala layiq görülüb. Bu günlərdə redaksiyamızın qonağı olan "Zenit" BTİC İB-in Əməkdar məşqçisi Ceyhun Rüstəmov yarış haqda ətarflı məlumat verib. "Bu yarış bizim üçün təcrübə baxımdan gözəl bir fürsət idi. Düzdür, çox istərdik ki, yarışda geniş heyətlə təmsil olunaq və daha çox idmançımız təcrübə qazansın. Amma yol və maliyyə səbəblərinə görə turnirdə 2 idmançı ilə mübarizə apardıq. Yarış yüksək səviyyədə keçdi. Komandamızın üzvü Nəsir Səccad (60 kq) gənclər arasında yarışda qızıl medala sahib çıxdı. O, ilk görüşdə Polşa, növbəti mərhələdə isə Macarıstan təmsilçisinə qalib gələrək, finala vəsiqə qazandı. Komandamızın üzvü həlledici görüşdə yerli Rumıniya boksçusundan üstün olaraq, finaldan sonra Azərbaycan himnini səsləndirdi. Komandamızın digər üzvü Orxan Mövsümov isə ilk görüşdə qalib gəlsə də, səhətində problem olduğuna görə ikinci görüş üçün rinqə çıxmadı", - deyə Ceyhun müəllim bildirib. Təcrübəli mütəxəssis müsahibə zamanı məşqçisi olduğu komandasının qarşıdakı planları barədə də məlumat verib. O, ilin sonuna qədər idman cəmiyyətinin yetirmələrinin ən azı üç beynəlxalq yarışda qüvvələrini sınayacaqlarını qeyd edib. "Respublika birinciliyinə qədər ən azı üç beynəlxalq yarışda iştirak etməyi planlaşdırırıq. Ölkə birinciliyində isə çalışacağıq ki, ən azı 8 çəki dərəcəsində təmsil olunacaq. Qeyd edim ki, komandamız yeni qurulub. Uşaqların əksəriyyəti demək olar ki, pandemiyadan sonra məşqlərə cəlb olunublar. Hər şeyi yenidən başlamışıq. Bunun üçün beynəlxalq yarışlarda iştirak edərək təcrübə qazanmaq çox vacibdir. Hazırda idman cəmiyyətində istedadlı idmançılarımız məşq keçirlər. Bunlara misal olaraq Mehran Rəsulov, Yusif Ağakişiyev, Əhəd Rüstəmlini və digər boksçuların adlarını qeyd etmək olar. Onların yaşları az olsa da, gələcək üçün perspektivlər vəd edirlər. Bu gün "Zenit" Bədən Tərbiyəsi İdman Cəmiyyəti İctimai Birliyinin sədri Fazil Hadıbəyov idmançılara və məşqçilərə diqqət və qayğı göstərir. Qeyd edim ki, hazırda idman cəmiyyətinin boks zalı təmirə dayanıb. Bizə yaradılan şəraitə görə Fazil müəllimə minnətdarlığımızı bildiririk. İnanıram ki, komandamızın üzvləri yeni qələbələrlə rəhbərliyin və məşqçilərin etimadlarını doğruldacaqlar", - deyə Ceyhun müəllim qeyd edib.

Azər Əlizadə

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR