“Azərbaycanın Olimpiya Odisseyası” adlı layihə yenidən start götürür

BOK

10.09.2022, 09:44

Milli Olimpiya Komitəsinin 30-illik yubileyi çərçivəsində “Azərbaycanın Olimpiya Odisseyası” adlı layihə yenidən start götürüb. Azərbaycanın bölgələrində keçiriləcək tədbirə Azərbaycan Milli Olimpiya Akademiyası və Azərbaycan İdman Könüllüləri İctimai Birliyi də təşkilatçılıq edir. Sentyabr ayı ərzində Gədəbəy, Mingəçevir, Lənkəran və Bərdə rayonları ilə yanaşı, yekun olaraq paytaxt Bakıda “Azərbaycanın Olimpiya Odisseyası” layihəsi çərçivəsində çəkilən sənədli filmlərin nümayişi olacaq. Bölgələrə səfər edəcək Olimpiya çempionları görüş iştirakçılarının suallarını cavablandıracaqlar. Layihə çərçivəsində ilk görüş Gədəbəy rayonunda təşkil olunub. Gədəbəy Rayon İcra Hakimiyyətinin başçısı Orxan Mürsəlov, Olimpiya çempionu, Azərbaycan Milli Olimpiya Akademiyasının vitse-prezidenti Fərid Mansurov, rayon ictimaiyyətinin nümayəndələri, fəal gənc və yeniyetmələrin iştirak etdiyi görüşdə belə tədbirlərin sağlam həyat tərzinin təbliğini aşılamaq baxımından əhəmiyyəti xüsusi olaraq vurğulanıb. Qeyd olunub ki, Milli Olimpiya Komitəsinin 30 illik yubileyi çərçivəsində Azərbaycanın Olimpiya Odisseyası layihəsinin keçirilməsində əsas məqsəd Olimpiya çempionları ilə yeniyetmə və gənclərin birbaşa ünsiyyətini təşkil etmək, narkotik vasitələr və psixatrop maddələrdən istifadəyə qarşı mübarizəyə çağırış etmək, hər bir yaş kateqoriyasına görə idmanın təbliğini aparmaq, uşaq, yeniyetmə və gənclərin cəmiyyətə sağlam inteqrasiyasını təşkil etmək, həmçinin ölkəmizdə Olimpiya prinsip və dəyərlərinin təbliğ edilməsindən ibarətdir. Azərbaycan Milli Olimpiya Akademiyasının vitse-prezidenti Fərid Mansurov MOK-un 30 illik yubileyinə həsr olunan xüsusi hədiyyəni Gədəbəy Rayon İcra Hakimiyyətinin başçısı Orxan Mürsəlova təqdim edib. Daha sonra Afina-2004 Yay Olimpiya Oyunlarında yunan-Roma güləşi üzrə Olimpiya çempionu Fərid Mansurova həsr olunan “Cəngavər” filmi izlənilib. Olimpiya çempionu görüş iştirakçılarının çoxsaylı suallarını cavablandırıb. Gədəbəy Rayon Heydər Əliyev mərkəzində səmimi şəraitdə keçirilən görüşün sonunda xatirə fotosu çəkilib.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR