“ABU Arena” idman kompleksi yaxın günlərdə “AHF Arena” kimi fəaliyyətə başlayacaq. Azərbaycan Həndbol Federasiyasından verilən məlumata görə, xeyli vaxtdır həyata keçirilən işlər artıq yekunlaşdırılıb. Qısa müddət ərzində xeyli iş görülüb – məşq zalında, soyunub-geyinmə və istirahət otaqlarında təmir işləri başa çatdırılıb. 2004-cü ildə tikilən idman qurğusunda hər cür şərait yaradılaraq həndbolçuların ixtiyarına verilib.
Ölkədə həndbolun inkişafına təkan olacaq idman kompleksinin yenidən istifadəyə verilməsini AHF-nin həndbolçulara gözəl töhfəsi kimi dəyərləndirmək olar.
Qeyd edək ki, “AHF Arena”da həm yerli yarışların, həm də beynəlxalq miqyaslı turnirlərin oyunları keçiriləcək.
