Heydər Əliyevi Bakıya gətirən pilot: “Dispetçer əsəbi tərzdə geri qayıtmaq əmri verdi”

BOK

08.05.2023, 15:52

“Heydər Əliyevin Naxçıvandan Bakıya gətirilməsi çox təhlükəli bir zamanda həyata keçirildi və bunun üçün əvvəlcədən plan hazırlamalı oldum”.

Bu sözləri “Azərbaycan Hava Yolları” QSC-nin vitse-prezidenti İlham Əmirov deyib.

O bildirib ki, 1993-cü ilin iyununda xalqın təkidli tələbi ilə hakimiyyətə qayıdan Heydər Əliyevin Naxçıvandan Bakıya gəlməsini təmin etmək lazım idi:

“Bunun üçün xüsusi təyyarə hazırlandı və mən kapitan kimi təyyarəni idarə edərək Bakıdan Naxçıvana yola düşdüm. Naxçıvan hava limanında çoxlu sayda silahlı dəstələr var idi. Onlar AXC üzvləri idilər və Heydər Əliyevin Bakıya qayıtmasının qarşısını almaq barədə təlimatlandırılmışdılar. Lakin mənim idarə etdiyim təyyarənin hava limanına nə üçün gəldiyini bilmirdilər. Silahlı şəxslər çox sorğu-sual edərək nə üçün Naxçıvana gəldiyimi soruşdular. Məsələnin mahiyyətindən xəbərdar olduğum üçün onlara heç bir məlumat vermədim.

Həmin dövrdə vəziyyət çox gərgin idi. Bir tərəfdən, Ermənistanın Azərbaycana ərazi iddiaları və Qarabağda davam edən müharibə, digər tərəfdən isə daxildəki gərginlik xaos vəziyyəti yaratmışdı. Həm ermənilər, həm də AXC bilirdilər ki, Heydər Əliyevin hakimiyyətə qayıdışı vəziyyətin sabitləşməsinə səbəb olacaq, bu da onların məqsədlərinə nail olmalarına əngəl yaradacaq. Ömrünü Azərbaycanın inkişafına həsr etmiş Heydər Əliyev kimi nəhəng siyasi xadim dövlətin bütün düşmənlərini, xalqın mənafeyinə zidd siyasət aparan siyasi qüvvələri kənarlaşdıracaq. Bu baxımdan sərnişini Heydər Əliyev olan təyyarəni nə Ermənistan, nə də Gəncə şəhəri üzərindən Bakıya gətirmək olmazdı. Ona görə də alternativ marşrutdan istifadə etmək lazım idi. Buna görə də əvvəlcədən hazırlanan plan üzrə təyyarəni İran üzərindən idarə edib Bakıya gəlməyə qərara aldım. Beynəlxalq uçuş qanunlarına əsasən, digər dövlətin hava məkanına daxil olmaq üçün mütləq icazə almaq lazımdır. Buna görə də qabaqcadan hazırlanmış plana görə İran tərəfdən icazə almışdıq və bu icazəyə əsasən, təyyarəni bu ölkənin hava məkanına daxil olaraq Bakıya istiqamət götürdü”.

İlham Əmirov vurğulayıb ki, təyyarənin istiqamətinin dəyişilməsi dispetçer tərəfindən narazılıqla qarşılanıb və ona əsəbi tərzdə geri qayıtmaq əmri verilib:

“Lakin mən bu əmrə məhəl qoymadım və ulu öndəri Bakıya çatdırdım”.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR