Qılıncoynatmanın sablya növü üzrə qadınlardan ibarət Azərbaycan milli komandasının lideri Anna Başta Türkiyənin İstanbul şəhərində keçirilən “Satellite” turnirində bürünc medal qazanıb.
Qadın sablyaçıların şəxsi yarışında qrup mərhələsini 5 qələbə ilə başa vuran idmançımız yarımfinaladək irəliləməyi bacarıb.
O, pley-offda Gürcüstan təmsilçisi Yeva Ahamian (15:5), əlcəzairli Kehla Zohra Nora (15:6), rumıniyalı Sabina Martis (15:12) və Türkiyə qılıncoynadanı Erbil Nisanura (15:8) qalib gələrək yarımfinala yüksəlib.
Anna Başta finalın bir addımlığında Ukrayna sablyaçısı, sonradan turnirin qalibi olan Olqa Xarlana 10:15 hesabı ilə məğlub olub və bürünc medalla kifayətlənib.
jpeg-1714739844.jpeg)
jpg-1714540942.jpg)
