Kanada ən uzun hokkey görüşünə hazırlaşır

Kanada aprel ayında Alberta Uşaq Xəstəxanası Fonduna dəstək məqsədilə 263 saatlıq hokkey matçına ev sahibliyi edəcək. Dünyanın ən uzun hokkey görüşü aprelin 5-dən 16-dək baş tutacaq. 40 idmançı uşaqlıq xərçənginin müalicəsi üçün pul toplamaq və Ginnesin Rekordlar Kitabına düşmək üçün düz 263 saat hokkey oynayacaq. "Oyun NHL qaydalarına uyğun olacaq, ona görə də kimsə zədələnsə, onu əvəz edə bilmərik. Keçmişdə omba və dizindən əməliyyat olunmalı olan oyunçularımız olub. Onlarbir uşağın həyatını xilas etmək üçün bir az pul toplamaq ümidi ilə çox şey yaşadılar. 2022-ci ildə toplanan vəsait immunoterapiyaya yönəlmiş uşaqlıq xərçəngi tədqiqat proqramını dəstəkləyib. 2024-cü ildə toplanan vəsait mövcud klinik sınaqların sayını artırmaqla daha çox uşağa Kalqaridə yeni müalicə üsullarından istifadə etməyə kömək edəcək" - deyə tədbir təşkilatçısı Alex Halat bildirib.