Azərbaycanın stolüstü tennisçiləri beynəlxalq toplanışda iştirak etmək üçün Qazaxıstana yollanıblar. Bu barədə Azərbaycan Stolüstü Tennis Federasiyasının mətbuat xidmətindən məlumat verilib. Qazaxıstana yollanan millinin heyətində 6 idmançı yer alıb. Bunlar Ləman Abdulhəmidova, Zemfira Mikayılova, Xədicə Əbilzadə, Vəzir Allahverdiyev, Nihad Məmmədov və Rüstəm Hacılıdır. Onlar baş məşqçi Fərhad İsmayılovun rəhbərliyi ilə fevralın 4-dən 13-dək Almatıda Qazaxıstan millisi ilə birgə təlim-məşq toplanışında iştirak edəcəklər.
Qeyd edək ki, toplanış qarşıdakı beynəlxalq yarışlara hazırlıq məqsədi daşıyır.
jpg-1714242793.jpg)
