Azərbaycan dilinin yeni orfoepiya lüğətinin tərtibi ilə bağlı müzakirə keçirilib

BOK

05.02.2024, 16:33

AMEA-nın Nəsimi adına Dilçilik İnstitutunda Orfoepiya lüğətinin tərtibi ilə bağlı müzakirə keçirilib.

İnstitutdan AZƏRTAC-a bildirilib ki, müzakirədə Bakı Dövlət Universitetinin Azərbaycan dilçiliyi kafedrasının professorları, Dövlət Dil Komissiyası yanında Monitorinq Mərkəzinin əməkdaşları, media nümayəndələri iştirak ediblər.

Dilçilik İnstitutunun direktoru professor Nadir Məmmədli iclasda bildirib ki, Azərbaycan Respublikası tarixində ilk dəfə olaraq dövlət səviyyəsində 2021-ci il iyunun 18-də qəbul edilmiş “Azərbaycan dilinin orfoepiya normaları” mövcud orfoepiya lüğətlərinin, orfoepiya ilə bağlı elmi ədəbiyyatın, bu sahədə böyük təcrübəsi olan mütəxəssislərin fikirlərinin müqayisəsi əsasında hazırlanıb. Normalarda sözlərin fonetik, leksik, morfoloji, sintaktik mövqedə tələffüzü, eləcə də vurğu, ixtisar, qısaltma və abreviaturların tələffüzü nəzərə alınıb. Hazırda institutda orfoepiya normaları əsasında yeni orfoepiya lüğəti çapa hazırlanır.

Sonra institutun şöbə müdiri dosent Kifayət İmamquliyeva mübahisəli bəndləri diqqətə çatdırıb.

İclasda Bakı Dövlət Universitetinin kafedra müdiri professor Tofiq Hacıyev bildirib ki, orfoepiya elmdir, onun nəzəri prinsipləri var. Orfoepiyanı məişət səviyyəsinə endirmək olmaz. Orfoepiya səsin məxrəci ilə bağlı olan məsələdir.

Monitorinq Mərkəzinin şöbə müdiri dosent Şahlar Məmmədov bəzi yer adlarının və “ilə” qoşmasının, bağlayıcısının tələffüzü ilə bağlı mübahisəli məsələləri səsləndirib. O, həmçinin orfoepiya normalarındakı 2.3-cü maddəni dəstəklədiyini vurğulayıb.

“Grammar Azi” səhifəsinin rəhbəri Murad Hüseynov isə sosial mediada ən çox rast gəlinən mübahisəli dil faktlarını diqqətə çatdırıb.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR