Birləşmiş Ərəb Əmirliklərinin Dubay şəhərində keçirilən boks üzrə dünya çempionatı davam edir.
Olimpnews.az xəbər verir ki, yarışda iştirak edən Azərbaycan boksçularından Sübhan Mamedov (48 kq) yarımfinalda gürcüstanlı Sahil Alahverdoviyə qalib gəlib. O, həlledici qarşılaşmada bu gün Rusiya təmsilçisi Edmond Xudoyanla döyüşəcək.
Digər boksçularımız Alfonso Dominqes (92 kiloqram) və Məhəmməd Abdullayev (+92 kiloqram) isə finala gedən yolda məğlub olaraq, bürünc medalla kifayətləniblər.
Qeyd edək ki, dünya çempionatına dekabrın 13-də yekun vurulacaq.
jpg-1765470130.jpg)
jpg-1764963315.jpg)
