Ağacan Abiyevin şərəfinə boks turnirinin açılış mərasimi keçirilib

BOK

16.12.2025, 20:14

Dekabrın 16-da Azərbaycan Respublikası "Əməkdar Bədən Tərbiyəsi və İdman Xadimi", Əməkdar Elm Xadimi", “Şöhrət”, “Şərəf” və 1-ci dərəcəli " Vətənə xidmətə görə" ordenləri ilə təltif olunmuş, Azərbaycanın Əməkdar məşqçisi, ümumittifaq və beynəlxalq dərəcəli hakim, professor Ağacan Abiyevin şərəfinə həsr olunmuş I boks turnirinin açılış mərasimi keçirilib. Olimpnews.az xəbər verir ki, 2012-2013-cü illər təvəllüdlü yeniyetmə oğlanlar arasında keçirilən turnirin açılış mərasimində Ağacan Abiyevlə yanaşı, Milli Olimpiya Komitəsinin (MOK) vitse-prezidentləri Çingiz Hüseynzadə, Zemfira Meftaxetdinova, Fərid Mansurov, MOK-un baş katibi Azər Əliyev, gənclər və idman nazirinin müavini Fərhad Hacıyev, Azərbaycan Boks Federasiyası prezidentinin müşaviri Samir Hüseynov, Azərbaycan İdman Akademiyasının rektoru Fuad Hacıyev, MOK-un İcraiyyə Komitəsinin üzvləri, Olimpiya çempionları, Azərbaycan İdman Veteranları İctimai Birliyinin və idman ictimaiyyətinin nümayəndələri iştirak ediblər. Mərasimdə əvvəlcə Azərbaycan Respublikasınin Dövlət Himni səsləndirilib və şəhidlərimizin əziz xatirəsi bir dəqiqəlik sükutla yad edilib. Parad iştirakçıları, məşqçilər və hakimlər marş sədaları altında idman arenasına daxil olublar. Açılış mərasimində çıxış edən gənclər və idman nazirinin müavini Fərhad Hacıyev tədbir iştirakçılarını salamlayaraq, Ağacan Abiyevin Azərbaycan idmanındakı əvəzsiz xidmətlərindən və ölkəmizdə boksun inkişafına verdiyi mühüm töhfələrdən danışıb. Milli Olimpiya Komitəsinin vitse-prezidenti Çingiz Hüseynzadə turnirin keçirilməsini əlamətdar hadisə kimi dəyərləndirib. O bildirib ki, müstəqillik dövründə Azərbaycanda yeniyetmələr arasında ilk beynəlxalq turnirin təşəbbüskarı məhz Ağacan Abiyev olub. Çingiz Hüseynzadə vurğulayıb ki, 1990-cı illərin sonlarında bu turnirin təşkil edilməsi Azərbaycanın beynəlxalq idman arenalarında təşkilatçı ölkə kimi tanınmasında mühüm rol oynayıb və bu istiqamətdə Ağacan Abiyevin xidmətləri əvəzsizdir. MOK rəsmisi çıxışında bu yaxınlarda Ağacan Abiyevin Avropa Olimpiya Akademiyası tərəfindən Avropa Olimpiya Hərəkatında və idmanın inkişafında göstərdiyi xidmətlərə görə xüsusi mükafata layiq görülüldüyünü qeyd edərək həmin mükafatı Ağacan Abiyevə təqdim edib. Azərbaycan Boks Federasiyası prezidentinin müşaviri Samir Hüseynov turnirin əhəmiyyətindən danışaraq ötən həftə Azərbaycanın ən gənc boksçusu Sübhan Məmmədovun dünya çempionu olduğunu vurğulayıb və onun dünyada bu uğura layiq görülən ən gənc boksçu olduğunu diqqətə çatdırıb. Açılış mərasimində Ağacan Abiyev boks əlcəyini imzalayaraq Sübhan Məmmədova verib. Dünya çempionu Sübhan Məmmədov çıxışında Ağacan Abiyevə dəyərli hədiyyəyə görə minnətdarlığını bildirərək, Olimpiya Oyunlarında da eyni uğuru təkrarlayacağına əminliyini ifadə edib. Azərbaycan İdman Akademiyasının rektoru Fuad Hacıyev Ağacan Abiyevin xidmətlərindən danışaraq bildirib ki, o, 28 ilə yaxın İdman Akademiyasına rəhbərlik edib və beynəlxalq dərəcəli hakim olmaqla yanaşı, elm adamı və pedaqoq kimi gənc idmançıların formalaşmasında xüsusi rol oynayıb. Milli Olimpiya Komitəsinin vitse-prezidenti, Azərbaycan İdman Veteranları İctimai Birliyinin sədri, Olimpiya çempionu Zemfira Meftaxetdinova idman veteranları adından tədbir iştirakçılarını salamlayaraq, turnirin yeniyetmə idmançılar üçün əhəmiyyətini vurğulayıb. O, ardınca Azərbaycan İdman Veteranları İctimai Birliyinin üzv kitabçasını Ağacan Abiyevə təqdim edib. Mərasimdə çıxış edən boks üzrə beynəlxalq dərəcəli hakim Elnur Məmmədli turnirin təşkilatçılarına minnətdarlığını bildirərək yarış iştirakçılarına uğurlar arzulayıb. Sonra turnirin hakimlər heyəti yarış iştirakçılarına təqdim edilib. Tədbirdə Ağacan Abiyev haqqında videoçarx təqdim edilib. Tədbirin bədii hissəsindən sonra 1/4 final yarışlarına start verilib. Qeyd edək ki, dekabrın 19-dək davam edəcək turnirdə Bakının "Qızıl əlcək", "Dinamo", "Təhsil", "Neftçi" , AHTİA, MOİK komandaları ilə yanaşı, Gəncə və Sumqayıtı təmsil edən 100-ə yaxın boksçu qüvvsini sınayır. 18 çəki dərəcəsi üzrə keçirilən yarışların baş hakimi beynəlxalq dərəcəli hakim Anar Nağdıyevdir. Turnirin final görüşləri dekabrın 19-da keçiriləcək.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR