Olimpiya təhsili ilə bağlı dərs vəsaiti işıq üzü gördü

BOK

09.01.2026, 09:30

Pedaqogika üzrə elmlər doktoru, professor Dilqəm Quliyev, Milli Olimpiya Komitəsinin vitse-prezidenti, Olimpiya çempionu Fərid Mansurov, MOK-un mətbuat katibi, “Olimpiya dünyası” qəzetinin baş redaktoru Murad Fərzəliyev və ikiqat paralimpiya çempionu İlham Zəkiyevin müəllifi olduqları “Olimpiya təhsili ilə bağlı təlim materiallarının öyrədilməsi yolları” adlı dərs vəsaiti işıq üzü görüb.

Olimpnews.az xəbər verir ki, Olimpiya təhsilinin inkişafı istiqamətində mühüm elmi-pedaqoji nəşr oxucuların ixtiyarına verilib.

Dərs vəsaitində Olimpiya təhsili ilə bağlı sənədli materiallar, olimpizm fəlsəfəsinin mahiyyəti, Olimpiya Hərəkatının əsas prinsipləri və bu ideyaların təhsil sistemində tətbiqi yolları geniş şəkildə əksini tapıb. Nəşrdə yerlərdə Olimpiya məktəblərinin yaradılması, uşaq, yeniyetmə və gənclərin bu məktəblərə cəlb olunması Olimpiya təhsili proqramının əsas istiqamətlərindən biri kimi təqdim edilir.

Vəsaitdə ümumtəhsil məktəblərində Olimpiya mədəniyyətinin formalaşdırılması, şagirdlərin Olimpiya biliyinin artırılması, sağlam həyat tərzinin təbliği, olimpizm ideyalarına uyğun mənəvi-əxlaqi dəyərlərin aşılanması kimi mühüm məsələlər ətraflı şəkildə şərh olunub. Şagirdlərə dərs prosesində və dərsdənkənar vaxtlarda Olimpiya Hərəkatı, Olimpiya idealları və olimpizm fəlsəfəsi barədə dolğun biliklərin verilməsi vəsaitin əsas məqsədlərindəndir.

200 kompüter mətni səhifəsindən ibarət olan dərs vəsaiti giriş, 7 fəsil və 173 yarımfəsli əhatə edir. Nəşrdə rus və ingilis dillərində xülasələr, həmçinin 109 mənbəni əhatə edən zəngin ədəbiyyat siyahısı yer alıb. Qeyd olunur ki, bu vəsait ölkəmizdə olimpizmin təhsili və mədəniyyətinin öyrənilməsi və təbliği baxımından geniş əhatəyə malik ilk fundamental nəşrlərdən biridir.

Dərs vəsaiti ali məktəb tələbələri, magistrantlar, dissertantlar, doktorantlar, müəllimlər, gənc tədqiqatçılar, məktəblilər və geniş oxucu auditoriyası üçün nəzərdə tutulub.

Nəşr Azərbaycan İdman Akademiyasının Metodşurasının 13 fevral 2023-cü il tarixli iclasında (protokol №6) müzakirə olunaraq bəyənilib və çapı məqsədəuyğun hesab edilib.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR