jpg-1594986380.jpg)
Beynəlxalq Olimpiya Komitəsi (BOK) və Beynəlxalq Paralimpiya Komitəsi (BPK) peşəkar idmançıların təcrübələrini bölüşmələri üçün onlayn yay festivalı keçirəcəklər.
Bu barədə BOK-un mətbuat xidməti məlumat yayıb.
Onlayn festival iyulun 24-də başlayacaq. Həmin tarixdə 2020-ci ildə keçirilməli olan və pandemiya səbəbindən 2021-ci ilə təxirə salınmış Tokio Yay Olimpiya Oyunları start götürməli idi. Festivalda Olimpiya və Paralimpiya oyunlarının yüzdən çox iştirakçısı yarışlara hazırlıq və müxtəlif turnirlərdə iştirak və digər mövzularda ekspert qismində çıxış edəcəklər.
