Tokio Olimpiadasında güləş yarışları davam edir. Sərbəst güləş üzrə üçqat dünya çempionumuz Hacı Əliyev də bu gün Tokio-2020-də ilk görüşünə çıxıb. 65 kq çəki dərəcəsində mübarizə aparacaq idmançımız 1/8 finalda seneqallı Adama Diatta ilə üz-üzə gəlib. Görüş Hacı Əliyevin 4:0 hesablı inamlı qələbəsi ilə başa çatıb. İdmançımız bu qələbə ilə adını 1/4 finala yazdırıb. Pəhləvanımız növbəti mərhələdə qazaxıstanlı Daulet Niyazbekovla qarşılaşıb. Bu görüşdə də güləşçimiz inamlı qələbə qazanıb - 9:1. Hacı Əliyev bu qələbə ilə yarımfinala vəsiqəni təmin edib. Güləşçimiz yarımfinalda hindistanlı Bacranq Puniya ilə qarşılaşacaq.
