Basketbol komandamız birinci MDB Oyunlarında bürünc medal qazandı

Basketbol komandamız birinci MDB Oyunlarında bürünc medal qazandı

Rusiyanın Kazan şəhərində birinci MDB Oyunları çərçivəsində 3x3 basketbol üzrə komandamız (Endər Poladxanlı, Əkbər Məmmədov, Cəbrail Əkbərov, İlhan Mərd) mötəbər yarışın bürünc medallarını qazanıblar. Belə ki, sentyabrın 5-də Samit Nuruzadənin yetirmələri yarışın qrup mərhələsində Qırğızıstan (16:10) və Belarus (12:20) milliləri ilə gücünü sınayaraq yarımfinala vəsiqə qazanıblar. Sentyabrın 6-da keçirilən yarımfinal qarşılaşmasında komandamız ev sahibi Rusiyaya layiqli müqavimət göstərib. Lakin oyunun həlledici məqamında komandanın lideri Endər Poladxanlıya verilən mübahisəli texniki fol mizanı rusların xeyrinə əydi -17:21. Bürünc medal uğrunda Özbəkistan millisi ilə qarşılaşma gərgin mübarizə şəraitində keçdi. Oyunun son saniyələrində çətinliklə olsa da basketbolçularımız minimal qələbə hesabını qoruya bildilər -14:13.