“Çempionumuz” sosial idman layihəsi çərçivəsində növbəti görüş

“Çempionumuz” sosial idman layihəsi çərçivəsində növbəti görüş Xəzər rayonu 185 nömrəli tam orta məktəbdə təşkil olunub.
Layihənin növbəti qonaqları cüdoçu Arif Səmədov, MMA üzrə idmançılar Bilal Əlosmanov, Xəyyam Rəhimov, MMA məşqçisi Natiq Novruzzadə, Vüqar Məmmədov və Tehran Qurbanov olublar.
Məktəblilərlə görüş Azərbaycan Respublikasının Dövlət Himninin səsləndirilməsi ilə başlayıb.
İdman İdarəsinin rəisi Vüqar Əliyev “Çempionumuz” sosial idman layihəsinin mahiyyəti haqqında tədbir iştirakçılarına məlumat verib.
185 nömrəli tam orta məktəbin direktor müavini Gülüm Cəfərova çıxış edərək belə tədbirlərin keçirilməsinin təqdirəlayiq hal olduğunu qeyd edib və gələcəkdə belə tədbirlərin davamlı olmasını arzulayıb.
Sonra idmançılar çıxış edərək əldə etdikləri nailiyyətlər barədə şagirdlərə məlumat verib, onlara idmanla məşğul olmağı, pis vərdişlərdən uzaq durmağı tövsiyə edib və maraqlandıran suallara ətraflı cavab veriblər.
Görüş Gənclər və İdman Nazirliyi, “Azərbaycan İdman Könüllüləri” İctimai Birliyi və Xəzər Rayon Gənclər və İdman İdarəsinin təşkilatçılığı ilə baş tutub.