Oktyabrın 16-da Polşanın Vrotslav şəhərində ağırlıqqaldırma üzrə kişilər və qadınlar arasında dünya çempionatı start götürüb. Çempionatda ölkəmizi baş məşqçi Zlatan Vanevin rəhbərliyi altında iki kişi və bir qadın atlet təmsil edəcək.London-2012 Yay Olimpiya Oyunlarının bürünc mükafatçısı Valentin Xristov (62 kq), Kazan-2013 Universiadasının qalibi Firudin Quliyev (69 kq) kişilərin yarışında qüvvələrini sınayacaqlar. Qadın ağırlıqqaldıranların arasında isə Kristina İovu (53 kq) mübarizə aparacaq.
Oktyabrın 28-nə qədər davam edəcək yarışda Vahid Nəzərov ölkəmizi hakim kimi təmsil edəcək.
