Bu gün Monteneqronun Podqoritsa şəhərində stolüstü tennis üzrə "WTT youth star contender" beynəlxalq turnirinə start veriləcək. 30-a yaxın ölkəni təmsil edən idmançıların iştirak edəcəyi yarışda milli komandamızın iki üzvü bacarığını göstərəcək. Turnirdə məşqçilər Elnur Hidayətzadə və Ramil Cəfərovun rəhbərliyi altında Mərziyyə Nurmətova və Adil Əhmədzadə qüvvəsini sınayacaq. Reqlamentə görə bu gün və sabah qızlar fərdi yarışları keçiriləcək. Aprelin 13-də isə qarışıq-qoşa turnirində mükafatçılar müəyyənləşəcək. Aprein 14-ü və 15-də isə oğlanlar qalib adı uğrunda mübarizə aparacaqlar. Qeyd edək ki, Mərziyyə Nurmətova ötən ay Antalyada keçirilmiş anoloji yarışda bürünc medala layiq görülüb.
