Sərbəst güləşçimiz Turan Bayramov Bakıda keçirilən Avropa Olimpiya Təsnifat turnirində uğurla çıxış edərək Paris-2024 Yay Olimpiya Oyunlarına lisenziya qazanıb.
74 kq çəki dərəcəsində mübarizə aparan pəhləvanımız yarımfinalda İtaliya təmsilçisi Frank Çamizonu məğlub edib. Görüş 8:8 hesabı ilə yekunlaşsa da xalların keyfiyyətinə görə, Turan Bayramov qalib elan olunub.
Güləşçimiz daha əvvəl təsnifat mərhələsində Tobias Portmannı (İsveçrə), 1/4 finalda isə Zurab Karpayevi (Rumıniya) məğlub edib.
Qeyd edək ki, bu gün Əliabbas Rzazadə (57 kq) və Hacı Əliyev (65 kq) də Paris Olimpiadasına lisenziya qazanıb.
jpg-1714242793.jpg)
