Xorvatiyanın paytaxtı Zaqreb şəhərində fiqurlu konkisürmə üzrə "Golden Spin” beynəlxalq turniri keçirilib.Turnirdə Azərbaycanı təmsil edən Yuliya Zlobina-Aleksey Sitnikov cütlüyü çempionatın sərbəst növ üzrə yarışında 93,55 bal toplayaraq ən yaxşı nəticə göstəriblər.
Rəqs cütlüyümüz turnirin qısa rəqs nominasiyasında da hamıdan üstün olub - 57,28 bal. Ümumilikdə 150,83 bal toplayan təmsilçilərimiz turnirin qalibi adını qazanıblar.
