Almanlar italyan brendini dəyişdilər - FOTO

Olimpizm xəbərləri

28.04.2024, 12:30

Almaniyanın "Keyvani" tüninq studiyası "Lamborghini Revuelto"nu idman avtomobili kimi təkmilləşdirib. CarBuzz saytı xəbər verir ki, bu, italyan brendinin son modeli üçün ilk kuzov dəstidir. "Keyvani"nin "Keytoro" adlanan paketində xüsusi karbon elementlərindən istifadə edilib. Paketə aqressiv splitter və çoxsaylı hava ventilyasiyası ilə yenidən işlənmiş ön hissə, həmçinin yeni başlıq daxil olunub. Məlumat üçün bildirək ki, "Lamborghini Revuelto" 2023-cü ilin martında təqdim edilib. Avtomobilin kapotunun altında atmosferli V12 mühərriki və 190 at qüvvəli elektrik mühərrikindən ibarət hibrid elektrik stansiyası yerləşir ki, onunla birlikdə idman avtomobilinin gücü 1015 at gücünə çatır. Bununla da bu avtomobil 0-dan 100 km/saata 2,5 saniyəyə sürətlənir və maksimal sürəti 350 km/saatdan artıqdır.