Cüdoçularımız "Böyük Dəbilqə" turnirində iştirak edəcəklər

$Cüdoçularımız \"Böyük Dəbilqə\" turnirində iştirak edəcəklər$

Olimpizm xəbərləri

10.10.2024, 11:55

Sabah Birləşmiş Ərəb Əmirliklərinin paytaxtı Əbu-Dabidə cüdo üzrə "Böyük Dəbilqə" turnirinə start veriləcək. Üç gün davam edəcək yarışda 29 ölkədən 221 (152 kişi, 69 qadın) cüdoçu medallar uğrunda mübarizə aparacaq. Azərbaycan komandası yarışda 8 çəki dərəsində 12 kişi və 2 qadın idmançı ilə təmsil olunacaq.

Cüdoçularımız yarış böyüklərdən ibarət yığmanın böyük məşqçiləri Elçin İsmayılov və Slavko Tekiç və qadınlardan ibarət yığmanın baş məşqçisi Rəşad Məmmədovun rəhbərliyi altında mübarizə aparacaq. Qadınların mübarizəsində təmsilçilərimizdən Leyla Əliyeva (-48 kq) və Acelya Toprak (-57 kq) tatami üzərinə çıxacaq. Komandamız kişilərin yarışında isə Balabəy Ağayev, Hüseyn Allahyarov (hər ikisi -60 kq), Ruslan Paşayev, Rəşad Yelkiyev (hər ikisi -66 kq), Rəşid Məmmədəliyev, Nəriman Mirzəyev (hər ikisi -73kq), Zelim Tçkayev, Ömər Rəcəbli (hər ikisi -81 kq), Murad Fətiyev, Musa Hüseynli (hər ikisi -90 kq), İmran Yusifov və Uşanqi Kokauri (hər ikisi +100 kq) ilə təmsil olunacaq.

Qeyd edək ki, yarışda Azərbaycan Cüdo Federasiyasının “A” kateqoriyalı beynəlxalq dərəcəli hakimi Nazim Umbayev ədalət təmsilçiləri arasında yer alacaq.