Şarapova finala çıxa bilmədi

Şarapova finala çıxa bilmədi

Rusiyalı tennisçi Mariya Şarapova yarımfinal oyununda digər rus tennisçisi Anastasiya Pavlyuçenkoya uduzaraq finala vəsiqə qazana bilməyib.

Fransanın paytaxtı Paris şəhərində keçirilən açıq tennis turnirində Mariya Şarapovanın bəxti gətirməyib. 2013-cü ildə rus qadın idmançıları arasında "Ən gözəl qız” nominasiyasının qalibi seçilən Mariya yarımfinal oyununda digər rus tennisçisi Anastasiya Pavlyuçenkoya 3 setdə 4:6, 6:3, 6:4 hesabı ilə uduzaraq final sevincini yaşaya bilməyib.
Xatırladaq ki, Pavlyuçenko finalda Sara Errani (İtaliya) - Alize Korne (Fransa) qarşılaşmasının qalibi ilə görüşəcək. Deyəsən, 2014-cü ildə Şarapovanın bəxti gətirmir. Belə ki, o, Avstraliyanın Brisben şəhərində keçirilən turnirdə yarımfinala qədər irəliləməsinə baxmayaraq, ABŞ tennisçisi Serena Uilyamsa uduzmuşdu.