Futbol üzrə klublararası dünya çempionatında ilk finalçının adına aydınlıq gəlib.
Olimpnews.az xəbər verir ki, finala vəsiqə uğrunda yarimfinalın ilk oyununda Braziliyanın "Fluminense" və İngiltərənin "Çelsi" klubları üz-üzə gəlib. Oyun London təmsilçisinin 2:0 hesablı inamlı qələbəsi ilə başa çatıb. Nyu-Cersidəki Metlayf stadionunda keçirilən oyunda hesabı 18-ci dəqiqədə "zadəganlar"ın futbolçusu Joao Pedro açıb. Braziliyalı futbolçu matçın 56-cı dəqiqəsində özünün və komandasının ikinci qolunu vuraraq "Çelsi"nin 2:0 hesablı qələbəsini rəsmiləşdirib.
Qeyd edək ki, İngiltərə təmsilçisinin finaldakı rəqibi bu gün keçiriləcək PSJ (Fransa) - "Real Madrid" (İspaniya) komandalarının oyunundan sonra müəyyənləşəcək. Final oyunu iyulun 13-də keçiriləcək.
jpeg-1751997910.jpeg)
jpg-1751638300.jpg)
jpeg-1751652890.jpeg)
