Braziliya futbolunun parlayan ulduzu Vinisius Junior doğma şəhəri Rio-de-Janeyroda böyük diqqətə layiq tədbirin qəhrəmanına çevrilib.
Olimpnews.az xəbər verir ki, “Real Madrid” klubunun və Braziliya millisinin əsas üzvü olan 24 yaşlı hücumçunun mum fiqurunun rəsmi təqdimatı ötən gün şəhərin simvollarından sayılan məşhur Sambodromo meydanında keçirilib.
Vinisiusun həyat və idman karyerasını əks etdirən bu heykəl, futbolçunun qlobal şöhrətini və vətənində qazandığı dərin rəğbəti bir daha təsdiqləyib. Mum fiqurun hazırlanması dünyanın məşhur “Madame Tussauds” muzeyinin təşəbbüsü ilə həyata keçirilib. Açılış mərasimindən sonra heykəl bir neçə gün ərzində Rio-da sərgilənəcək və daha sonra Londona göndərilərək oradakı ekspozisiyada daimi yerini alacaq.
