"Böyük Dəbilqə" son gün: Üç cüdoçumuz tatamiyə çıxacaq

$\"Böyük Dəbilqə\" son gün: Üç cüdoçumuz tatamiyə çıxacaq$

Cüdo

Bugün, 09:10

Qazaxıstanın paytaxtı Astanada keçirilən cüdo üzrə "Böyük Dəbilqə" turniri sona yaxınlaşır.

Olimpnews.az xəbər verir ki, turnirin son günündə daha üç cüdoçumuz tatami üzərinə çıxacaq. Təmsilçilərimizdən Aslan Kotsoyev (-90 kq) ilk görüşünü 1/16 finalda yerli cüdoçu Aybol Nissanaliyə qarşı keçirəcək. +100 kq çəkidə isə iki cüdoçumuz mübarizə aparacaq. Hər iki cüdoçumuz mübarizəyə 1/8 finaldan başlayacaq. Təmsilçilərimizdən Camal Feyziyev Yakub Sordillə (Polşa),

Uşanqi Kokauri isə Jantilek Nurtilepulilə (Qazaxıstan) qarşılaşacaq. Təsnifat görüşləri 10:30-da, final bloku isə 16:00-da başlayacaq.

Qeyd edək ki, Dünya Cüdo Turuna daxil olan yarışda36 ölkədən 295 idmançı mübarizə aparır. Azərbaycan komandası yarışda 7 çəki dərəcəsində 11 (6 kişi, 5 qadın) cüdoçu ilə təmsil olunur. Turnirin ilk iki günündə mübarizə aparan 8 cüdoçumuz çıxışını medalsız başa vurub.