Serena Uilyams isə məğlub oldu
Dünyanın bir nömrəli tennisçisi serbiyalı Novak Cokoviç "Australian open-2016” tenis turnirinin finalında britaniyalı Endi Marrey üzərində 3:0 hesabı ilə qələbə qazanıb - 6:1, 7:5, 7:6. Novak Cokoviç 3-cü setdə rəqibini tay-brekdə məğlub edib.
Bu, Cokoviçin "Böyük dəbilqə” seriyasından olan Avstraliya açıq birinciliyində əldə etdiyi altıncı qələbəsidir. Şotlandiyalı Endi Marrey isə finalda dörd dəfə oynasa da, ona hələ çempionluq sevinci yaşamaq nəsib olmayıb. O, dörd final oyununun hamısında Novak Cokoviçə uduzub.
Xatırladaq ki, dünən qadınlar arasında keçirilən final görüşündə sensasiya qeydə alınıb. Turnirin favotiti olan bir nömrəli raket ustası Serena Uilyams (ABŞ) reytinq cədvəlinin ikinci pilləsində yer alan almaniyalı tennisçi Angelika Kerberə məğlub olub.
