Tennis üzrə Azərbaycan millisinin keçmiş baş məşqçisi Sergey Lixaçov vəfat edib. Olimpnews.az saytının məlumatına görə, 15 qat SSRİ çempionu oktyabrın 18-də Rusiyanın paytaxtı Moskvada 77 yaşında dünyasını dəyişib.
Məlumat üçün qeyd edək ki, Sergey Lixaçov 1973-cü ildə milli komandada son oyununu keçirib. O, 1 il sonra SSRİ çempionu olsa da, məşqçiliyə başlayıb. Lixaçov Bakının "Leçi” klubunda işləyib. Sonradan Azərbaycan millisində baş məşqçi vəzifəsində çalışan mütəxəssis SSRİ yığmasında ikinci məşqçi kimi də çalışıb. 1991-ci ildə SSRİ Tennis Federasiyasının təyinatı ilə Portuqaliyaya gedib və bir neçə il həmin ölkədə də məşqçilik edib.
