4 “Bavariya”lı Avropanın ən yaxşı futbolçusu adına namizəddir

UEFA 2012/13 mövsümündə "UEFA Best Player in Europe” mükafatının sahibini müəyyənləşdirmək üçün keçirilən sorğunun ilk mərhələsinin nəticələrini açıqlayıb. Avropanın tanınmış media nümayəndələrinin qatıldığı səsvermədə qitənin ən yaxşı futbolçusu adı uğrunda mübarizəni davam etdirəcək 10 nəfərin adı məlum olub. Onların arasında Çempionalar Liqasının qalibi "Bavariya”nın 4, həmçinin Almaniya və Hollandiya yığmalarının hərəyə 2 oyunçusu yer alıb. Həmçinin namizədlərdən "Barselona”nın argentinalı hücumçusu Lionel Messi 2011-ci ildə artıq "UEFA Best Player in Europe” mükafatını qazanıb. 2011/12 mövsümündə Avropanın ən yaxşı futbolçusu seçilmiş "Barselona”nın ispaniyalı yarımmüdafiəçisi Andres İnyesta isə ilk onluğa düşə bilməyərək daşıdığı adı başqasına təhvil verməli olacaq.

Ümumiyyətlə, sorğunun ilk mərhələsində 26 futbolçu səs alıb. Səsvermənin ikinci mərhələsinin nəticəsinin və finala qalacaq 3 futbolçunun adının avqustun 6-da açıqlanacağını da xatırladaq. Nəhayət, 2012/13 mövsümündə "UEFA Best Player in Europe” mükafatının sahibi avqustun 29-da Monakoda Çempionlar Liqası qrup mərhələsinin püşkatması zamanı baş tutacaq canlı səsvermə nəticəsində bəlli olacaq.

Yeri gəlmişkən, UEFA Avropanın ən yaxşı qadın futbolçusu üçün də mükafat təsis edib. Bu mükafatın ilk sahibi sentyabrın 5-də bəlli olacaq.

"UEFA Best Player in Europe” mükafatının münsiflər heyətində Azərbaycanı AFFA-nın əməkdaşı Rasim Mövsümzadə təmsil edir. Qeyd edək ki, həmyerlimiz eyni zamanda UEFA və FİFA-nın ("Qızıl top”) iki mükafatının jüri üzvü olan 5 nəfərdən biridir.

"UEFA Best Player in Europe” mükafatı uğrunda mübarizəni davam etdirənlər

QARET BEYL

Yaşı: 24

Ampluası: cinah yarımmüdafiəçisi

Milli komandası: Uels (2006-cı ildən)

Klubu: Tottenhem (2007-ci ildən)

KRİŞTİANU RONALDO

Yaşı: 28

Ampluası: hücumçu

Milli komandası: Portuqaliya (2003-cü ildən)

Klubu: Real Madrid (2009-cu ildən)

ZLATAN İBRAHİMOVİÇ