Ukraynalı ağır atlet Aleksey Novikov Floridada keçirilən yarışda qalib gələrək, planetin ən güclü insan titulunu qazanıb (World Strongest Man-2020). 24 yaşlı idmançı 537,5 kq ağırlığı qaldıraraq bu titulu qazanan ən gənc idmançı kimi də tarixə düşüb. Britaniyalı Tom Stoltman ikinci, kanadalı Jan-Frankois Karon isə üçüncü yeri tutub.
Qeyd edək ki, World Strongest Man 11-15 noyabr tarixlərində təşkil olunub. Daha əvvəl yarışın may ayında keçiriləcəyi planlaşdırılırdı. Lakin COVİD-19 pandemiyası səbəbi ilə yarış təxirə salınmışdı.