Bu gün futzal üzrə Azərbaycan millisi Avropa çempionatının seçmə mərhələsində ilk oyununu keçirəcək. 3-cü qrupda yer alan Joze Alesio Da Silvanın başçılıq etdiyi kollektiv Slovakiya yığmasını qəbul edəcək. Bakı İdman Sarayında oynanılacaq qarşılaşma saat 18:00-da start götürəcək. Milli komanda matça ciddi itki ilə çıxacaq. Fineo De Araujo zədə səbəbindən görüşü buraxacaq. Rəqibin heyətində isə Pyotr Kozar, Qabriel Rik və Patrik Zatoviç koronavirusa yoluxduqları üçün Bakıya gətirilməyib.
Qrupun ilk matçında isə Moldova yığması Yunanıstana qalib gəlib - 3:1.
Avropa çempionatının seçmə mərhələsi
3-cü qrup
18:00. Azərbaycan - Slovakiya
Hakimlər: İrina Velikanova, Yuri Neverov (Rusiya), Hikmət Qafarlı, Knyaz Əmiraslanov
Bakı İdman Sarayı
Qeyd edək ki, yığma qrupdakı ikinci sınağında fevralın 2-də Yunanıstanın qonağı olacaq.
