AFFA-nın İntizam Komitəsinin iclası keçirilib. Yığıncaqda Topaz Premyer Liqasının III turunda baş verən hadisələrə hüquqi qiymət verilib. 5 klubu cəzalandıran komitə onlara ümumilikdə 5400 manatlıq cərimə verib."Neftçi” ilə görüşdə 4 futbolçusu sarı vərəqə ilə cəzalanan "Simurq” 1000 manat cərimə olunub. Oyunun 42-ci dəqiqəsində sonuncu ümid foluna görə birbaşa qırmızı vərəqə ilə meydandan qovulan Elvin Yunuszadə 1 oyunluq kənarlaşdırılıb, komandasını 200 manat ziyana salıb. Matçın 8, 31 və 73-cü dəqiqələrində azarkeşləri tərəfindən pirotexniki vasitələr istifadə olunduğu üçün "ağ-qaralar” daha 1000 manat ödəməli olacaq.
AZAL-la oyunda 5 futbolçusu sarı vərəqə alan "İnter”, "Sumqayıt”la görüşdə 4 üzvü xəbərdarlıq görən "Qəbələ” hərəyə 1000 manat cərimə olunub. Sonuncular oyunun 61-ci dəqiqəsində qırmızı vərəqə alan Vladimir Levinə görə də 200 manat ödəməli olacaq. Müdafiəçi isə 1 oyunluq kənarlaşdırılıb.
"Xəzər Lənkəran”la matçın 26-cı dəqiqəsində "Qarabağ” azarkeşləri tərəfindən pirotexniki vasitələr istifadə olunduğu üçün Ağdam təmsilçisi 1000 manat xərcə düşüb.
jpg-1773914059.jpg)
jpeg-1772603169.jpeg)
