Tokio-2020 XXXII Yay Olimpiya Oyunlarının güləş yarışlarında medal qazanan idmançıların mükafatlandırma mərasimi olub. Mükafatçılar arasında 50 kq çəki dərəcəsində mübarizə aparan güləşçimiz Mariya Stadnik də yer alıb. 8-qat Avropa çempionumuz bununla da ardıcıl olaraq Olimpiya Oyunları tarixində 4-cü mükafatını qazanıb.
Qeyd edək ki, Azərbaycan qadın güləşinin ən parlaq simalarından biri olan Mariya Stadnik Tokio-2020-dən əvvəl, Pekin-2008-də bürünc, London-2012 və Rio-2016-da isə gümüş medala sahib çıxmışdı.
