Ağırlıqqaldıranlar ölkə kubokunda yarışacaqlar

 Ağırlıqqaldıranlar ölkə kubokunda yarışacaqlar

Dekabrın 21-23-də Şüvəlan qəsəbəsindəki Ağır Atletika Akademiyasının yarış zalında qadınlar, kişilər və veteranlar arasında ağır atletika üzrə Azərbaycan kuboku keçiriləcək.

Federasiyadan verilən məlumata görə, yarışda şəhər və rayonların, idman cəmiyyətləri, klubları, mərkəzlərinin, UGİM-lərin hazırkı əsasnamə üzrə təyin olunmuş dərəcə normalarını yerinə yetirən və tibbi müayinədən keçən yüzdən çox atlet öz qüvvəsini sınayacaq.

Yarışın təşkilində məqsəd ölkənin ağırlıqqaldırma üzrə ən yaxşı idman təşkilatlarını, ən yaxşı qadın və kişi idmançılarını aşkar etmək, ümidvericı idmançılardan ibarət əsas və ehtiyat qüvvələri müəyyən etməkdir. Həmçinin yeniyetmə və gənc idmançılara örnək olmaq məqsədilə veteran idmançıların turnirdə iştirakını təmin etmək, 2023-cü ildə keçiriləcək beynəlxalq səviyyəli yarışlara daha güclü veteran idmançıları seçməkdir.