İtaliya hökuməti əfsanəvi argentinalı futbolçu Diyeqo Armando Maradonanı bu ölkədəki maliyyə aktivlərini dondurmaqla hədələyib.
İTAR-TASS-ın yazdığına görə, buna səbəb Maradonanın İtaliyada vergi borclarını hələ də ödəyə bilməməsidir.
İtaliya Vergi Xidmətinin əməkdaşları bu barədə məlumatı dünən Romada otellərin birində olan Maradonaya çatdırıblar. Maradona Romaya «Roma» və «Napoli» arasında keçirilən oyuna baxmaq üçün gəlib.
Qeyd edək ki, Maradona 1984-1991-ci illərdə «Napoli» komandasında oynayıb və bu illər ərzində 39 milyon avro vergi borcu yaranıb. Vergi borcu səbəbindən bundan öncə İtaliyaya səfəri zamanı əfsanəvi futbolçunun qiymətli «Roleks» saatı müsadirə edilib.
jpg-1773914059.jpg)
jpeg-1772603169.jpeg)
