FİFA noyabrda keçiriləcək yoxlama oyunlarının reytinqə nə dərəcədə təsir edəcəyini açıqlayıb. Azərbaycan milli komandasının Estoniya və Qırğızıstan yığmaları ilə səfərdə keçirəcəyi matçların da dəyəri bəlli olub.
Hər 2 rəqib zəif komanda olduğundan, üstəlik matçlar yoxlama xarakteri daşıdığından bu görüşlər heç də xeyrimizə olmayacaq. Hətta sonuncu rəqibimizin Asiya təmsilçisi olması da ziyanımızadır.
Bütün bunların nəticəsində Estoniya ilə noyabrın 15-dəki görüşdə qələbə 303, heç-heçə 101 xala bərabər olacaq. Asiya təmsilçisi ilə 4 gün sonrakı qarşılaşmada isə bu rəqəmlər, müvafiq olaraq, 139 və 46,5-ə bərabərdir. Bu isə ümumi reytinqə təsir edəcək.
Hazırda 407 xalla planetin 88-cisi olacaq Berti Foqtsun yetirmələri 2 qələbə qazansalar belə, geriləmək təhlükəsi ilə üzləşəcəklər. Çünki 2 qələbə birlikdə 407-yə bərabər olan xalımızı 399-a qədər azaldacaq. Nəticədə, təqribən 2 pillə geriləməyimiz gözlənilir. Çünki hazırkı siyahıda 399 xal yalnız 90-ci yer üçün yetərlidir. Düzdür, FİFA reytinqindəki qonşularımızın da xal itirməsi xeyrimizə ola bilər. 2 qələbə xalımızın azalmasına səbəb olacağı halda digər nəticələrin daha acınacaqlı olması qaçılmazıdır.
jpg-1773914059.jpg)
jpeg-1772603169.jpeg)
