“Los-Anceles Leykers”ın hücumçusu Rui Haçimura burnunu sındırdıqdan sonra əməliyyat olunub. Təxminən bir həftə sonra komandanın həkimləri onu yenidən müayinə edəcəklər. Bu səbəbdən yaponiyalı basketbolçu "Klivlend Kavalers"lə noyabrın 26-na keçən gecə səfər oyununa komanda ilə getməyib. Haçimura həmçinin “Leykers”in növbəti üç səfər oyununda - “Philadelphia 76ers”, “Detroit Pistons” və “Oklahoma City Thunder-ə qarşı oyunlarda iştirak etməyəcək:
Qeyd edək ki, Haçimura “Dallas Mavericks”lə matçında (101:104) zədələnib.
