Bakı Şəhər Gənclər və İdman Baş İdarəsinin təşkilatçılığı ilə futbol üzrə dörd yaş qrupunda keçirilən Bakı birinciliyinə yekun vurulub. Xatırladaq ki, 1997, 1998, 1999 və 2000-ci illər təvəllüdlü futbolçular arasında təşkil olunan Bakı şəhər klub komanda birinciliyinə aprel ayında start verilmişdi.
«Neftçi» İdman-Sağlamlıq Mərkəzi paytaxt yarışında bütün yaş qrupları üzrə təmsil olunub. Uğurla çıxış edən komandalardan 1998-ci il təvəllüdlülərdən ibarət futbolçular daha baxımlı oyun göstəriblər. Otello Xəlilovun rəhbərliyi altında çıxış edən bu komanda, 11 klubun mübarizə apardığı birincilikdə 3-cü yeri tutaraq bürünc medala layiq görülüb. Qeyd edək ki, «Neftçi» İSM-in komandası çempionluqdan son saniyələrdə məhrum olub. Belə ki, sonuncu görüşdə «RİOGEM-1» komandası ilə üz-üzə gələn «neftçilər» 1:0 hesabı ilə irəlidə olduqları bir vaxt, son saniyələrdə əks tərəfdən gələn təsadüfi bir qolu onların qələbəsini əlindən alıb. Hesab bərabərləşəndən sonra isə ümumi vəziyyət rəqibin xeyrinə dəyişib. Nəticədə «RİOGEM-1» komandası 52 xalla çempion titulunu qazanıb. «Neftçi» İSM-in komandası isə 50 xalla üçüncü olub.
jpg-1773914059.jpg)
jpeg-1772603169.jpeg)
