"Bakı–Xankəndi" yarışının V mərhələsinin qalibi müəyyənləşib

$\"Bakı–Xankəndi\" yarışının V mərhələsinin qalibi müəyyənləşib$

Velosiped

14.05.2026, 13:12

Yeni Zelandiyalı Coş Barnett "Bakı–Xankəndi" Azərbaycan velosiped yarışının V mərhələsinin qalibi olub.

Olimpnews.az xəbər verir ki, İspaniyanın "Burqos" komandasının üzvü finişə birinci çatıb.

Burnett məsafəni 4 saat, 16 dəqiqə, 35 saniyəyə qət edib.

"Astana"dan Henok Mulubrhana ikinci, "Burqos"un digər üzvü, uruqvaylı Erik Antonio Faqundes üçüncü yeri tutub.

İlk mərhələdə finişə Çinin "Li-Ninq Star" komandasının belaruslu üzvü Aleksey Şnirko birinci çatıb. Növbəti gün "Astana"nın qazaxıstanlı velosipedçisi Yevgeni Fyodorov qalib olub. Üçüncü mərhələdə "Astana"nın rusiyalı üzvü Qleb Suritsa, dördüncü mərhələdə isə İtaliyanın "Bardiani CSF 7 Saber" komandasından Marko Manenti bütün rəqiblərini qabaqlayıb.

Xatırladaq ki, Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Turnirin mükafat fondu 50 000 avrodan çoxdur.