Cüdo millimiz Avropa Kubokunda birinci oldu

Gündəm

17.05.2026, 22:22

Polşanın Bielsko-Biala şəhərində keçirilən cüdo üzrə yeniyetmələr arasında Avropa Kubokuna yekun vurulub.

Olimpnews.az xəbər verir ki, 36 ölkədən 757 (427 oğlan, 330 qız) idmançının iştirak etdiyi yarışda Azərbaycan komandası 31 (17 oğlan, 14 qız) idmançı ilə təmsil olunur. Cüdoçularımız yarışı 2 qızıl, 4 gümüş, 7 bürünc medalla başa vurub.

Qızıl medalları komandamıza İbrahim Talıbov (-55 kq) və Könül Eyvazlı (-48 kq) qazandırıb. Zəhra Quliyeva (-40 kq), İlkin Qarayev (-66 kq), Sadiq Məmmədov (-73 kq) və Ayxan Həsənli (-81 kq) isə gümüş medallara sahib olublar. Bürünc medallara isə Pərvin Sevxanlı (-44 kq), Nihad Ağayev (-50 kq), Rza Xəlilli (-55 kq), Mehman Əsgərov (-60 kq) və Yusuf Nəzər (-73 kq), Yaqub Məmmədov (-81 kq), Nurəddin Əliyev (-90 kq) yiyələniblər.

Yekunda 13 medal qazanan Azərbaycan millisi turniri ümumi komanda hesabında birinci yerdə başa vurub.