9 Noyabr Dövlət Bayrağı Günü ilə əlaqədar Azərbaycan Respublikasının Nazirlər Kabineti yanında Dövlət Bayrağı Meydanı Kompleksi İdarəsi və Azərbaycan Velosiped İdmanı Federasiyasının birgə təşkilatçılığı ilə "Bayrağımız - qürur mənbəyimizdir!” devizi altında veloyürüş keçiriləcək. Yürüş noyabrın 9-u, saat 12:00-da Dövlət Bayrağı Meydanından start götürəcək. İştirakçılar Bayraq Meydanı - Azneft prospekti - Dəniz limanı - Heydər Əliyev Mərkəzi və əksinə istiqamətdə hərəkət edəcəklər. 16.5 km-lik yürüş elə başladığı yerdə - Dövlət Bayrağı Meydanında başa çatacaq.
Bununla əlaqədar Dövlət Bayrağı Meydanı Kompleksi İdarəsi və Azərbaycan Velosiped İdmanı Federasiyası velosiped sürməkdən zövq alan gəncləri birliyimizi əks etdirən yürüşə dəvət edir. İştirakçılardan velosiped və baş geyimlərini özləri ilə gətirmələri tələb olunur. Yürüşdə iştirak etmək istəyənlər AVİF-in mətbuat xidməti ilə əlaqə saxlaya bilərlər.
jpg-1713610032.jpg)
