Futzal üzrə Avropa çempionatının (AÇ) əsas seçmə mərhələsində qrup oyunlarına yekun vurulub. 2-ci qrupda mübarizə aparan Azərbaycan millisi növbəti matçına çıxıb.
Birinci turda Norveç millisini 6:0, Bosniya və Herseqovina yığmasını 3:2 hesabı ilə məğlub edən komandamız bu dəfə meydan sahibləri Slovakiya yığması ilə üz-üzə gəlib. Baş məşqçi Joze Alesionun yetirmələri son turda ən yaxın izləyicisi ilə heç-heçə edəcəyi halda qrup birincisi olacaqdı. Uduzduğu təqdirdə isə, 2-ci olaraq, ən azı, pley-offda mübarizə aparmaq imkanı qazanacaqdı. Qeyd edək ki, Slovakiya millisi qrupda ilk oyununu Bosniya və Herseqovina yığmasına qarşı keçirib. Görüş 4:4 hesablı heç-heçə ilə başa çatıb. 2-ci matçında isə bu komanda Norveç yığması üzərində qələbə qazanıb (4:3).
Qarşılaşma millimiz üçün heç də yaxşı başlamayıb. Belə ki, oyunun 12-ci dəqiqəsində hesabı açan slovakiyalılar fasiləyə üstün yollanıblar. İkinci hissədə isə baş məşqçi Joze Alesionun yetirmələri əzmkarlıq nümayiş etdirərək matçın sonlarında 1 dəqiqədə 2 qol vuraraq görüşdən qalib ayrılıblar. Bu qələbədən sonra Azərbaycan yığması 3 oyundan 3 xal toplayıb və qrup lideri olaraq növbəti mərhələyə keçib.
Qrupun digər oyununda isə Bosniya və Herseqovina millisi Norveç komandası ilə münasibətlərinə aydınlıq gətirib. Bosniyalılar 4 cavabsız qolla qələbə qazanıblar. Nəticədə, qrup ikinciliyi məhz bosniyalılara qismət olub.
Beləliklə, millimiz 2014-cü il yanvarın 28-dən fevralın 8-dək Belçikanın Antverpen şəhərində təşkil olunacaq Avropa çempionatının final mərhələsinə qrup birincisi olaraq vəsiqə əldə edib.
AÇ-nin əsas seçmə mərhələsi
2-ci qrup
30 mart
Azərbaycan - Slovakiya - 2:1
Qollar: Jade, 39, Məmmədkərimov, 39 - Bahna, 12.
Bratislava. "Hant” arenası
Norveç - Bosniya və Herseqovina - 0:4
O Q H M T X
1. Azərbaycan 3 3 0 0 11-3 9
2. Bosniya və Hers. 3 1 1 1 10-7 4
3. Slovakiya 3 1 1 1 9-9 4
4. Norveç 3 0 0 3 3-14 0
jpg-1773914059.jpg)
jpeg-1772603169.jpeg)
