Aprelin 9-da Bakıda AFFA-nın təşkilatçılığı ilə UEFA-nın seminarı başlayıb. Qadın futboluna həsr olunmuş seminarda Bosniya və Herseqovina, Monteneqro və Litvanı təmsil edən mütəxəssislər iştirak edib.
"Hilton Baku” hotelində təşkil olunmuş seminarda AFFA-nın baş katibi Elxan Məmmədov ölkəmizdə qadın futbolunun inkişafı ilə bağlı həyata keçirilən tədbirlər, FİFA U-17 qadınlararası dünya çempionatı Azərbaycan 2012 barədə ətraflı məlumat verib. E.Məmmədov qeyd edib ki, bu dünya çempionatı nəinki Azərbaycanda, ümumilikdə regionda ən uzunmüddətli idman tədbiri olub. Mundialın loqotipinin təqdimatı FIFA-nın prezidenti Yozef Blatterin iştirakı ilə keçirilib. FİFA U-17 qadınlararası dünya çempionatı Azərbaycan 2012 infrastrukturun inkişafı baxımından xüsusi əhəmiyyətə malik olub. Baş katib deyib ki, mundiala hazırlıq dövründə Bakıda bir neçə stadion inşa olunub, həmçinin müasir standartlara uyğun məşq meydançaları hazırlanıb. Çempionatın açılış mərasimində Azərbaycan Respublikasının Prezidenti İlham Əliyev və FIFA-nın prezidenti Yozef Blatter iştirak ediblər. Final qarşılaşmasını dövlət başçısı İlham Əliyev və UEFA-nın prezidenti Mişel Platini birgə izləyiblər. Bu dünya çempionatı Azərbaycanda qadın futbolunun inkişafına və təbliğatının gücləndirilməsinə böyük təkan olub.
Sonra UEFA nümayəndəsi Emma Sykes, ardınca isə AFFA-nın Texniki departamentinin əməkdaşı Zümrüd Məmmədova təqdimatla çıxış edib.
jpg-1773914059.jpg)
jpeg-1772603169.jpeg)
