Masallıda ümummilli lider Heydər Əliyevin 90 illik yubileyinə həsr olunmuş futbol üzrə rayon birinciliyi keçirilir.
Rayon gənclər və idman idarəsinin təşkilatçılığı ilə dairəvi sistem üzrə 4 qrupda keçirilən rayon birinciliyində öz qruplarında 1 və 2-ci yerləri tutan komandalar yarışların final mərhələsində mübarizəni davam etdirmək hüququ qazanacaqlar.
Birinci qrupa daxil olan 10 komanda Ərkivan qəsəbə stadionunda, ikinci qrupun tərkibindəki 10 komanda Masallı şəhərindəki 3 nömrəli orta məktəbin futbol meydançasında, üçüncü qrupa daxil olan 8 komanda Şərəfə kənd stadionunda, dördüncü qrupdakı 8 komanda isə şəhər 3 nömrəli orta məktəbin idman meydançasında mübarizə aparır. Futbol üzrə rayon birinciliyinin final oyunları Anatoli Banışevski adına Masallı şəhər mərkəzi stadionunda keçiriləcək. Qaliblərə diplom, kubok və qiymətli hədiyyələr təqdim ediləcək.
jpg-1773914059.jpg)
jpeg-1772603169.jpeg)
