Azərbaycan atleti Aleksis Kopello Qətərin paytaxtı Dohada atletika üzrə Brilliant Liqasının birinci mərhələsində bürünc medal qazanıb. Üçtəkanla tullanma yarışlarında təmsilçimiz 17,21 metr nəticə göstərərək üçüncü yeri tutub. Yarışın qalibi adını Kuba idmançısı Pedro Pikardo qazanıb. ABŞ idmançısı Kristian Teylor isə yarışı ikinci pillədə başa vurub.
