Bu gün atetika üzrə Azərbaycan komandasının üzvü Nazim Babayev Tokio-2020-də mübarizəyə başlayıb. Üçtəkanla tullanma növündə mübarizə aparan atletimiz ilk cəhdində 16,38 metr nəticə göstərib. Təsnifat mərhələsində A qrupunda yarışan N.Babayev hazırda 8-ci sırada qərarlaşıb. İdmançımız ikinci cəhdində 16,30 metr nəticə göstərib. Atletimiz sonuncu cəhdində isə 16,72 metr nəticə göstərib. Bu, həm də Nazim Babayevin mövsümdə ən yaxşı göstəricisi olub. Buna baxmayaraq Avropa çempionumuz finala vəsiqə qazanmaq şansını itirib. O, A qrupunda 16 idmançı arasında 8-ci, yekunda isə 32 idmançı arasında 15-ci yeri tutub. İki qrupun nəticəsinə əsasən ilk 12 pillənin sahibi finalda iştirak etmək hüququ qazanıb.
Nazim Babayev Tokio Olimpiadasında finala çıxa bilmədi — FOTO
