İdmançıları ruhdan salmaq olmaz!

Olimpizm xəbərləri

12.05.2023, 12:39

Qətərin paytaxtı Doha şəhərində mayın 7-də başlamış cüdo üzrə dünya çempionatında Azərbaycan yığma komandası üzvlərinin uğursuz çıxışları mediada ciddi tənqid olunur.

Son dövrdə müxtəlif beynəlxalq yarışlarda uğurlu nəticələr göstərən güclü və tanınmış cüdoçularımızın çempionatın ötən 4 günü ərzində tatamini məğlub tərk etmələri təəssüf doğursa da, idmanda hakim səhvlərinin və ya bəxti gətirməmək amilininin olmasını da unutmamalıyıq.

Azərbaycan Cüdo Federasiyası (ACF) İcraiyyə Komitəsinin üzvü, Azərbaycan Cüdo Veteranları Assosiasiyasının prezidenti, usta cüdoçular arasında dünya və Avropa çempionatlarının dəfələrlə qalibi və mükafatçısı, “Judo Club 2012” İctimai Birliyinin sədri Azər Əsgərov bu məsələyə münasibət bildirərkən deyib: “Müxtəlif beynəlxalq mötəbər yarışlarda iştirak edən cüdoçularımız öz qələbələri bizi az sevindirməyiblər. İdmanda uğur və uğursuzluq təbii haldır, iki rəqibdən biri qalib, biri məğlub olur. Uduzmuş idmançı haqqında söylənilən hər hansı lüzumsuz söz, fikir onda mənəvi-psixoloji sarsıntı yarada bilər. Belə təzyiqə məruz qalan idmançıdan sonrakı yarışlarda uğurlu nəticə gözləmək mümkündürmü? Axı beynəlxalq yarışıların miqyası təkcə dünya çempionatı ilə məhdudlaşmır... Bunu nəzərə almaq vacibdir. Məsələn, Dohada medal ümidlərimizdən biri, “Judo Club 2012”nin yetirməsi, 90 kq çəki dərəcəsində mübarizəyə qoşulan Murad Fətiyev 1/8 finalda məğlub olsa da, təqdirəlayiq əzmkarlıq nümayiş etdirdi. Murad ilk qarşılaşmada rumıniyalı Aleks Kretə, sonra Avropa çempionatının ikiqat bürünc mükafatçısı yunanıstanlı Teodoros Tselidisə qalib gəldi. Onun 1/8 finaldakı rəqibi isə kubalı İvan Felipe Silva Morales idi: 2018-ci ildə Bakıda keçirilən dünya çempionatının gümüş mükafatçı, dəfələrlə Panamerika çempionatının və bir sıra mötəbər turnirlərin qalibi... Bu təcrübəli idmançı ilə də Murad yüksək səviyyədə, sonadək mübarizə apardı və yalnız əlavə vaxtda məğlub oldu. Onun işlətdiyi fəndin hakimlər tərəfindən qeydə alınmaması da nəticəyə təsirsiz qalmadı.

Yığma komandanın və “Judo Club 2012”nin digər üzvü Səid Mollayi də Dohadakı yarışda hakim qərəzi ilə üzləşib. -81 kq çəki dərəcəsində qüvvəsini sınayan Səid 1/16 final mərhələsində kanadalı Fransua Qotyer Drapau ilə üz-üzə gəlib. İdmançımız birinci görüşdə rəqibindən üstün çıxış etməsinə baxmayaraq, ədalət təmsilçilərinin qeyri-obyektiv qərarı nəticəsində mübarizədən kənarda qaldı. Ümidvaram ki, həm Muradın, həm də Səidin idman karyerasında uğurlu çıxışları, qələbələri hələ çox olacaq”.

Xatırladaq ki, Dohada 99 ölkədən 657 (343 kişi, 314 qadın) cüdoçunun iştirak etdiyi yarışda Azərbaycan komandası 9 kişi və 4 qadın ilə təmsil olunur. Çempionat mayın 14-də başa çatacaq. Həmin gün yarış komanda formatında keçiriləcək.

Dİgər xəbərlər

14.05.2026, 22:58

Güləşçilərimizin Los-Anceles-2028 yolu müəyyənləşdi

14.05.2026, 21:29

Paralimpiya çempionumuz xüsusi mükafata layiq görülüb

13.05.2026, 10:35

Bu gün Azərbaycan Kubokunun qalibi müəyyənləşəcək

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

SON XƏBƏRLƏR

BÜTÜN XƏBƏRLƏR